வெனிலா ஐஸ்க்ரீம் செய்வது எப்படி?

தேவையான பொருட்கள்
மில்க்மெயிட் – 1 ரின்
தண்ணீர் – 2 ரின்
ஜெலற்றீன் – 1 மேசைக்கரண்டி
வெனிலா எசன்ஸ் – 3 மேசைக்கரண்டி
சீனி – ருசிக்கேற்ப
செய்முறை
ஒரு பாத்திரத்தில் மில்க்மெயிட்டை ஊற்றவும்.
அதே ரின்னில் இரு முறை தண்ணீர் எடுத்து ஊற்றி சீனியும் சேர்த்து கரைத்து அடுப்பில் வைத்து காய்ச்சவும்.
2 தரம் பொங்கியவுடன் இறக்கி நன்கு ஆறவிடவும்.
1/4 கப் சுடுநீரில் ஜெலற்றீனைக் கரைத்து ஆறிய பாலில் விடவும்.
வெனிலா எசன்ஸ்சைச் சேர்த்து பீட்டரால் அல்லது கரண்டியால் நுரை பொங்க அடிக்கவும்.
அதை ஒரு பாத்திரத்தில் ஊற்றி ஃப்ரிசரில் 6-7 மணி நேரம் வைக்கவும்.
பின்பு அதை வெளியே எடுத்து 2 மடங்கு பொங்கிவரும் வரை அடிக்கவும்.
மீண்டும் ஃப்ரிசரில் ஒரு மணி நேரம் வைக்கவும்.
தேவையான போது எடுத்து பரிமாறவும்.