தோனியை சீண்டிப்பார்த்தாரா அஸ்வின்?

இந்திய ஒரு நாள் போட்டி மற்றும் 20 ஓவர் அணியின் கேப்டன் பதவியை வகித்து வந்த 35 வயதான டோனி திடீரென  அந்த பதவிகளில் இருந்து விலகினார். விக்கெட் கீப்பரான டோனி ஒரு வீரராக தொடர்ந்து நீடிப்பேன் என்று தெரிவித்து இருக்கிறார்.

டோனியின் விலகல் குறித்து கோலியின் தலைமை குறித்து இந்திய கிரிக்கெட் அணியின் சுழற்பந்து வீச்சாளரும் தமிழகத்தை சேர்ந்தவருமான ரவிச்சந்திரன் கேப்டன் பொறுப்பில் இருந்து டோனி விலகியது அவரது தனிப்பட்ட விருப்பம். அந்த முடிவை நான் மதிக்கிறேன் அதே வேளையில் விராட் கோலியும் சளைத்தவர் அல்ல என கூறினார்.

2016ஆம் ஆண்டிற்கான சிறந்த கிரிக்கெட் வீரர் விருதை வென்ற அஸ்வினுக்கு, சென்னையில் பாராட்டு விழா நடைபெற்றது. அப்போது பேசிய அஸ்வின், சிறந்த டெஸ்ட் கிரிக்கெட் வீரராகத் தேர்வானதை தான் பெருமையாய் கருதுகிறேன். தனிப்பட்ட முறையில் எந்த இலக்கையும் தாம் வைத்துக் கொள்வதில்லை என்றும், அணியின் வெற்றியே குறிக்கோள் எனக் கூறினார். மேலும், தோனி கேப்டன் பதவியில் விலகியது குறித்து கருத்து தெரிவித்த அவர், இது தோனியின் தனிப்பட்ட விருப்பம். அவர் வெற்றிக் கேப்டன் என்றும் கூறினார். அதேசமயம் விராட் கோலியும் சளைத்தவர் அல்ல என்றார்.

இவருடைய கருத்தை விமர்ச்சித்து சமூக வலைத்தளங்களில் கருத்துக்கள் தெரிவிக்கப்பட்டு வருகின்றமை குறிப்பிடத்தக்கது.